«Լորիկ» ֆիլմը ցուցադրվեց Ամստերդամում

09 դեկտեմբերի, 2022

Դեկտեմբերի 9-ին, Ամստերդամի LAB111 մշակութային կենտրոնում տեղի ունեցավ «Լորիկ» ֆիլմի ցուցադրությունը` կինոնկարի պրոդյուսեր և գլխավոր դերակատար, ՀՀ ժողովրդական արտիստ Միքայել Պողոսյանի մասնակցությամբ:

Միջոցառումը բացեց դեսպան Տիգրան Բալայանը, ով նշեց, որ Միքայել Պողոսյանը հայ ժամանակակից կինորավեստի ամենասիրված դերասաններից է և հիշեցրեց, որ արվեստագետը դեռևս 2005թ. արժանացել է Prince Claus հիմնադրամի մրցանակին։

Միքայել Պողոսյանը ներկաներին պատմեց «Լորիկ»-ի ստեղծման պատմությունը և շարժառիթները, հաջողությունները, ֆիլմի ցուցադրության նախաձեռնության պատմությունը՝ ընդգծելով, որ կինոնկարն արժանացել է ավելի քան 50 մրցանակների։

Ֆիլմն արժանացավ ներկաների բարձր գնահատականին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր